የአስቸኳይ ጊዜ አዋጅ መታወጁን ተከትሎ በምዕራብ እና አርሲ ዞን ብቻ ከ240 ሰዎች በላይ መገደላቸው ተገለጸ

ኢሳት (የካቲት 7 ፥ 2009)

የአስቸኳይ ጊዜ መታወጁን ተከትሎ በኦሮሚያ ክልል በምዕራብና አርሲ ዞን ብቻ በ20 ቀናት ውስጥ 240 ሰዎች መገደላቸውን የአፍሪካ ቀንድ የሰብዓዊ መብት ሊግ ገለጸ። የአስቸኳይ ጊዜ አዋጅ ከታወጀበት ከመስከረም 28/2009  እስከ ጥቅምት 18/2009 በአርሲ ነገሌ ብቻ 70 ሰዎች ሲገደሉ፣ 335 መታሰራቸውን የገለጸው የአፍሪካ ቀንድ የሰብዓዊ መብት ሊግ፣ ከዚህ በተጨማሪም በሻላ እና አጄ በተባሉ አካባቢዎች 85 ሰዎች ሲገደሉ 400 የሚሆኑት ደግሞ መታሰራቸውን ገልጿል።

የአፍሪካ ቀንድ የሰብዓዊ መብት ሊግ ለተባበሩት መንግስታት የሰብዓዊ መብት ኮሚሽን በላከው በዚሁ ባለ ዘጠኝ ገፅ ሪፖርት በኦሮሞዎች በይበልጥም በወጣቶች ላይ የተነጣጠረው ጥቃት እኤአ ከ2005 ጀምሮ ላለፉት ለ12 አመታት ተጠናክሮ መቀጠሉን ዘርዝሯል።

በሶማሌ ክልል በሺዎች የሚቆጠሩ አርብቶ አደሮች በጊዚያዊ መጠለያ እንዲሰባሰቡ በመደረግ ላይ መሆኑን ተመድ ገለጸ

ኢሳት (የካቲት 7 ፥ 2009)

በኢትዮጵያ የሶማሌ ክልል የተከሰተው የድርቅ አደጋ መባባስን ተከትሎ በሺዎች የሚቆጠሩ አርብቶ አደሮች በጊዚያዊ መጠለያ እንዲሰባሰቡ በመደረግ ላይ መሆኑን የተባበሩት መንግስታት ድርጅት ማክሰኞ አስታወቀ።

የአርብቶ አደሮችን ህይወት ለመታደግ ሲባል እየተወሰደ ባለው በዚሁ ዘመቻ አለም አቀፍ የእርዳታ ተቋማትና መንግስት ለተጎጂዎቹ የምግብ አቅርቦት እንደሚያደርጉ ድርጅቱ ገልጿል።

ካለፈው ሃምሌ ወር ጀምሮ በክልሉ በተከሰተው አዲስ የድርቅ አደጋ ከአንድ ሚሊዮን በላይ የአካባቢው ነዋሪዎች ለአስቸኳይ የምግብ ድጋፍ መጋለጣቸው ይታወቃል።

ከኢትዮጵያ የሶማሊ ክልል በተጨማሪ በኦሮሚያ፣ በአፋርና፣ የደቡብ ክልሎች ስር በሚገኙ በርካታ ዞኖች 5.6 ሚሊዮን የሚሆኑ ሰዎች በድርቁ ጉዳት እየደረሰባቸው እንደሚገኝ የተመድ መረጃ ያመለክታል።

ኢሳት (የካቲት 7 ፥ 2009)

ኢትዮጵያ የቱርክ መንግስት የሽብርተኛ ድርጅት ነው ሲል ከፈረጀው የጉለን ንቅናቄ ጋር ግንኙነት አላቸው የተባሉ ትምህርት ቤቶችን ለቱርክ አሳልፎ ለመስጠት መወሰኑ ተቃውሞን አስነሳ።

ባለፈው ሳምንት በቱርክ ጉብኝትን ያደረጉ ፕሬዚደንት (ዶ/ር) ሙላቱ ተሾመ መንግስታቸው በኢትዮጵያ አገልግሎት እየሰጡ የሚገኙ አምስት ትምህርት ቤቶችን ለቱርክ መንግስት ለማስተላለፍ መወሰኑ ይፋ ማድረጋቸው ይታወሳል።

ይሁንና ነጃሺ ኢትዮ-ቱርኪሽ ኢንተርናሽናል በመባል የሚጠሩትት አምስት ትምህርት ቤቶች መስራች የሆኑ ሃላፊዎች ተቋማቸው በኢትዮጵያ ህግ መሰረት የተቋቋመና ዕውቀና ተሰጥቶት የአገሪቱን ህግጋት አክብቶ የሚሰራ የትምህርት ተቋም እንጂ አሸባሪ አይደለም ሲሉ ምላሽ መስጠታቸውን ሪፖርተር ዘግቧል።

በድርጅቱ ምክትል ስራ አስኪያጅ የሆኑት ሌሊል አይዲን ትምህርት ቤታቸው ከቱርክ ተቋማትና ከቱርክ መንግስት ጋር ምንም አይነት ግንኙነት እንደሌለው አስታውቀዋል።

የግልገል ጊቤ ሶስተኛ የሃይል ማመንጫ ፕሮጄክት በኬንያውያን ላይ ተፅዕኖ ማሳደር መጀመሩን ሂውማን ራይትስ ዎች ገለጸ

ኢሳት (የካቲት 7 ፥ 2009)

በቅርቡ ግንባታው የተጠናቀቀው የግልገል ጊቤ ሶስተኛ የሃይል ማመንጫ ፕሮጄክት በኬንያ የቱርካና ሃይልና በኢትዮጵያ በታችኛው የስምጥ ሸለቆ በሚኖሩ በግማሽ ሚሊዮን ነዋሪዎች ላይ ተፅዕኖ ማሳደር መጀመሩን ሂውማን ራይትስ ዎች ማክሰኞ አስታወቀ።

የሰብዓዊ መብት ተሟጋች ድርጅቱ የቱርክና ሃይቅ የውሃ ከፍታ መጠን ካለፈው የፈረንጆች አመት ጀምሮ በ1.5 ሜትር ቀንሶ መገኘቱን የአሜሪካ የዕርሻ መምሪያ መረጃን ዋቢ በማድረግ በጉዳዩ ዙሪያ ባወጣው መገለጫ አመልክቷል።

የሃይል ማመንጫው ስራ መጀመር እና በተጓዳኝ እየተካሄደ ያለ የመስኖ ስራ የወንዙ ውሃ መጠን እንዲቀንስ በማድረግ በዙሪያው በሚኖሩ ሰዎች ላይ ከፍተኛ ተፅዕኖን ሊያሳድር እንደሚችል ሂውማን ራይትስ ዎች ስጋቱን ገልጿል።

Several killed in an attack in south eastern Ethiopia

ESAT News (February 14, 2017)

ESAT’s intelligence sources say at least 20 members of the Somali special forces unit were killed in Gursum and Bombase in south eastern Ethiopia.

The attack was reportedly carried out in retaliation by armed residents in the Oromo region of southern Ethiopia where the Somali forces had reportedly carried out incursions and looting.

Weapons and ammunitions were also seized by the residents during the retaliatory attack.

Ethiopia: Rights league says 248 civilians killed in three weeks in Oromo region

ESAT News (February 14, 2017)

The Human Rights League of the Horn of Africa (HRLHA) said 248 civilians  were killed and 3706 were detained in just three weeks (from 8th October – 30th October, 2016).

In a written appeal to the United Nations Human Rights Council, the League renewed “its call to the international community to act collectively in a timely and decisive manner – through all available mechanisms of the United Nations in accordance with the UN charter to stop the Ethiopian government assault on its own citizens before it is too late.”

“HRLHA calls for intervention by the international community to end human tragedy in Ethiopia,” the document addressed to the United Nations Human Rights Council said.

በአፋር ክልል ሰፍረው የሚገኙ የመከላከያ ሰራዊት አባላት በሁለት አርብቶ አደሮች የፈጸሙት ግድያ ውጥረት ቀሰቀሰ

ኢሳት (ጥር 30 ፥ 2009)

በአፋር ክልል ልዩ ስሙ ዞን ሶስት ተብሎ በሚጠራ አካባቢ ስፍራው የሚገኙ የመከላከያ ሰራዊት አባላት ከቀናት በፊት በሁለት አርብቶ አደሮች ላይ የፈጸሙት ግድያ በአካባቢው ውጥረት መቀስቀሱ ተገለጸ።

በዚሁ አካባቢ ወልጅ አልባ የሰፍሩ ወደ ስድስት ሺ አካባቢ ተቀናሽ ወታደሮች ከአርብቶ አደሮች ጋር አለመግባባት ውስጥ በመሆናቸው ተደጋጋሚ ግጭቶች በመከሰት ላይ መሆናቸውን የአፋር የሰብዓዊ መብት ድርጅት ሃላፊ የሆኑት አቶ ጋአስ አህመድ ለኢሳት አስታውቀዋል።

በዚሁ ስፍራ የሚገኙት ተቀናሽ ወታደሮች በአንድ አርብቶ አደር ላይ የፈጸሙት ድብደባ አለመግባባትን ቀስቅሶ የመከላከያ ሰራዊት አባላት በከፈቱት ተኩስ ሁለቱ ሊሞቱ መቻላቸውን ሃላፊው ከኢሳት ጋር ባደረጉት ቃለምልልስ አስረድተዋል።